ആറ് ദിവസം നീണ്ടുനിന്ന കൈരളി ഇന്റർനാഷണൽ കൾച്ചറൽ ഫെസ്റ്റിവൽ ഉത്തര കേരളത്തിന്റെ സാംസ്‌കാരിക ചരിത്രത്തിൽ അവിസ്മണീയ അനുഭവമായി. 2019 ജനുവരി 24 മുതൽ 29 വരെ കണ്ണൂർ ബർണ്ണശ്ശേരിയിലെ നായനാർ അക്കാദമിയിലാണ് കൈരളി ബുക്‌സിന്റെ നേതൃത്വത്തിൽ സാംസ്‌കാരികോത്സവം നടന്നത്. വിഖ്യാത എഴുത്തുകാരും സാംസ്‌കാരികപ്രവർത്തകരും കലാകാരന്മാരും പ്രസാധകരും അണിനിരന്ന ഫെസ്റ്റിവൽ പരിപാടികളുടെ ഉള്ളടക്കംകൊണ്ടും സംഘാടകപാടവംകൊണ്ടും ജനപങ്കാളിത്തംകൊണ്ടും മികവു പുലർത്തി.

പ്രശസ്ത എഴുത്തുകാരായ ടി. പത്മനാഭൻ ചെയർമാനും സി.വി. ബാലകൃഷ്ണൻ ഡയറക്ടറുമായ സംഘാടകസമിതിയാണ് കൾച്ചറൽ ഫെസ്റ്റിവൽ വിജയത്തിനായി പ്രവർത്തിച്ചത്. കൈരളി ബുക്‌സ് മാനേജിംഗ് ഡയറക്ടർ ഒ. അശോക്കുമാർ പ്രോഗ്രാം കൺവീനറും ചലച്ചിത്രപ്രവർത്തകനും സംഘാടകനുമായ ജിത്തു കോളയാട് കോ-ഓർഡിനേറ്ററുമായിരുന്നു.

ജനുവരി 24ന് ഫെസ്റ്റിവൽ ഉദ്ഘാടകനായി നിശ്ചയിച്ചിരുന്നത് ബഹു. കേരള മുഖ്യമന്ത്രി പിണറായി വിജയനെയായിരുന്നുവെങ്കിലും നിയമസഭാ സമ്മേളനം ആരംഭിക്കുന്നതിനാൽ അദ്ദേഹത്തിന് എത്തിച്ചേരാൻ കഴിഞ്ഞില്ല. പ്രശസ്ത എഴുത്തുകാരൻ എം. മുകുന്ദൻ, സംഘാടകസമിതി ഭാരവാഹികളായ കഥാകൃത്ത് ടി. പത്മനാഭൻ, നോവലിസ്റ്റ് സി.വി. ബാലകൃഷ്ണൻ, പ്രമുഖ വ്യവസായി ഗോകുലം ഗോപാലൻ, ലോകപ്രശസ്ത സർക്കസ് കലാകാരനും ജമിനി സർക്കസ് ഉടമസ്ഥനുമായ ജമിനി ശങ്കരൻ തുടങ്ങിയ അഞ്ച് വിശിഷ്ട വ്യക്തികൾ ചേർന്ന് ഫെസ്റ്റിവലിന് തിരി തെളിയിച്ചു. ചടങ്ങിൽ ഗോകുലം ഗോപാലൻ, ജമിനി ശങ്കരൻ, പ്രശസ്ത ആയുർവേദ ഭിഷഗ്വരൻ ഇടൂഴി ഭവദാസൻ നമ്പൂതിരി എന്നിവരെ ആദരിച്ചു. പ്രമുഖ ബിസിനസുകാരനും എഴുത്തുകാരനുമായ ഡോ. സി.വി. രവീന്ദ്രനാഥ്, ഡി.ടി.പി.സി സെക്രട്ടറി ജിതേഷ് ജോസ്, ലൈബ്രറി കൗൺസിൽ ജില്ലാ സെക്രട്ടറി പി.കെ. ബൈജു; കന്റോൺമെന്റ് ബോർഡ് മെമ്പർമാരായ ആൻഡ്രൂസ് വി, രതീഷ് ആന്റണി, കേനന്നൂർ സീസൈഡ് റോട്ടറി ക്ലബ്ബ് പ്രസിഡന്റ് ജിഗീഷ് നാരായണൻ, കണ്ണൂർ ചേമ്പർ ഓഫ് കോമേഴ്‌സ് പ്രസിഡന്റ് വിനോദ് നാരായണൻ തുടങ്ങിയവർ ആശംസ നേർന്നു. തുടർന്ന് സന്ധ്യാമനോജ് അവതരിപ്പിച്ച ഒഡീസ്സി രാവ് അരങ്ങേറി. അക്കാദമിയുടെ ഒന്നാംനിലയിൽ കേരളത്തിലെ പ്രമുഖ പ്രസാധകരെ പങ്കെടുപ്പിച്ച് ഒരുക്കിയ പുസ്തകപ്രദർശനവും ഫോട്ടോ-ചിത്രപ്രദർശനങ്ങളും പി.കെ. ശ്രീമതി എം.പി. ഉൽഘാടനം ചെയ്തു.

തുടർന്നുള്ള ദിവസങ്ങളിൽ മുറ്റം, അകം, എന്നിങ്ങനെ രണ്ട് വേദികളിലായി തുടർച്ചയായി വിവിധ പരിപാടികൾ നടന്നു.

 

ഷാർജ അന്താരാഷ്ട്ര പുസ്തകോത്സവത്തോടനുബന്ധിച്ച് കൈരളി ബുക്‌സ് ഏർപ്പെടുത്തിയ പ്രവാസി നോവൽ അവാർഡ് ഷാബു കിളിത്തട്ടിലിന് സമ്മാനിച്ചു. ഡോ. കെ.വി. മോഹൻകുമാർ അവാർഡ് ദാനം നിർവഹിച്ചു. 'നിലാച്ചോറ്' എന്ന നോവലാണ് ഈ വർഷം അവാർഡിന് അർഹമായത്. അട്ടപ്പാടിയിലെ ശാന്തി മെഡിക്കൽ മിഷന്റെ ആസൂത്രക ഉമാ പ്രേമന്റെ ജീവിതകഥയാണ് നിലാച്ചോറിന്റെ ഇതിവൃത്തം. അവാർഡ്ദാനച്ചടങ്ങിൽ ഉമാ പ്രേമൻ തന്നെയാണ് പുസ്തകം പ്രകാശനം ചെയ്തത്. പുസ്തകോത്സവത്തിലെ കോൺഫറൻസ് ഹാളിൽ നടന്ന പരിപാടിയിൽ ഗ്രന്ഥകാരൻ ഷാബു കിളിത്തട്ടിലിന്റെ അമ്മ ശ്രീമതി സരസ്വതിഅമ്മ പുസ്തകം ഏറ്റുവാങ്ങി. ഒ. അശോക്കുമാർ (കൈരളി ബുക്‌സ് എം.ഡി.) അധ്യക്ഷത വഹിച്ചു. ആനന്ദി രാമചന്ദ്രൻ, പി. പി. ശശീന്ദ്രൻ, എം.സി.എ. നാസർ, നിസാർ സെയ്ദ്, സാദിഖ് കാവിൽ, അർഫാസ്, ഷാബു കിളിത്തട്ടിൽ എന്നിവർ സംസാരിച്ചു. തുടർന്ന് സുഗതകുമാരിയുടെ 'കൃഷ്ണാ നീയെന്നെ അറിയില്ല' എന്ന കവിതയെ അവലംബിച്ച് കുമാരി നേഹാ ജീവൻ അവതരിപ്പിച്ച ക്ലാസ്സിക്കൽ ഡാൻസ് ഉണ്ടായിരുന്നു.

ഷാർജ അന്താരാഷ്ട്ര പുസ്തകമേളയിൽ കൈരളി ബുക്സ് പ്രസിദ്ധീകരിച്ച സി.വി. രവീന്ദ്രനാഥിന്റെ താന്ത്രിക് ഫിലോസഫി എന്ന പുസ്തകത്തിന്റെ പ്രകാശനം മന്ത്രി എം. കെ. മുനീർ നിർവഹിക്കുന്നു.

കൈരളി ബുക്സ് പ്രസിദ്ധീകരിച്ച ഡോ .സി.വി.രവീന്ദ്ര നാഥിന്റെ പ്രേരണയും പ്രചോദനവും എന്ന പുസ്തകത്തിന്‍റെ പ്രകാശനം ഷാര്‍ജ സാംസ്കാരിക വകുപ്പിലെ മീഡിയ ആന്‍ഡ് ഇന്‍ഫര്‍മേഷന്‍ ഡിപാര്‍റ്റ്മെന്റ് ഹെഡ് മിസ്സ്‌.ആയിശ അല്‍ അജല്‍ ഏക്സ്ടെര്‍ണല്‍ അഫ്ഫയെര്‍സ് എക്സിക്യൂട്ടീവ് പി.മോഹന്‍ കുമാറിന് നല്‍കിക്കൊണ്ട് നിര്‍വഹിക്കുന്നു. ഷാര്‍ജ അന്താരാഷ്ട്ര പുസ്തകമേളയിലെ ലിട്ടെരേച്ചര്‍ ഹാളില്‍ വെച്ച് നടന്ന പരിപാടിയില്‍ ബാലചന്ദ്രന്‍ തെക്കന്മാര്‍ അധ്യക്ഷത വഹിച്ചു.വെള്ളിയോടന്‍ സ്വാഗതവും കൈരളി ഗ്രൂപ്പ്‌ മാനേജിംഗ് ഡയരക്ടര്‍ ഒ .അശോക്‌ കുമാര്‍ നന്ദിയും പറഞ്ഞു.സി.വി.രവീന്ദ്ര നാഥ് മറുപടി പ്രസംഗം നടത്തി.

ഷാർജ അന്താരാഷ്ട്ര പുസ്തകമേളയിൽ കൈരളി ബുക്സ് പ്രസിദ്ധീകരിച്ച ദീപ അശോകിന്റെ മൂന്നു പുസ്തകങ്ങളുടെ (ഗൃഹഭരണം-നല്ല ശീലങ്ങൾ , രുചിയൂറും പലതരം കറികൾ, പലഹാരം-മധുരമുള്ളതും ഇല്ലാത്തതും ) പ്രകാശനം മന്ത്രി എം. കെ. മുനീർ നിർവഹിക്കുന്നു.

യുവകവി ജമാൽ മൂക്കുതലയുടെ ആദ്യ കവിതാസമാഹാരം "പച്ചമൂടിയ മുറിവുകള്‍"ഷാര്‍ജ ഇന്റര്‍ നാഷ്ണല്‍ പുസ്തകമേളയില്‍ കൈരളി ബുക്സിന്റെ ഹാളിൽ നടന്ന പ്രത്യേക ചടങ്ങിൽ പ്രമുഖ സാഹിത്യകാരൻ ആലംകോട് ലീലാകൃഷ്ണൻ കവിയത്രി ഹണി ഭാസ്കരന് നല്കി നിർവഹിച്ചു. പ്രകാശന ചടങ്ങിന് അബുദാബി കേരള സോഷ്യൽ സെന്റർ ജനറൽ സെക്രട്ടറി സഫറുള്ള പാലപെട്ടി അധ്യക്ഷത വഹിച്ചു. ചടങ്ങിൽ പ്രവാസി എഴുത്തുകാരൻ സുറാബ്, സാമൂഹിക സാംസ്കാരിക പ്രവർത്തകൻ നളിനാക്ഷൻ ഇരട്ടപ്പുഴ, മാധ്യമപ്രവർത്തകൻ മൊയിതീൻ കോയ, കവി ആമയം കമറുദീൻ,കൈരളി ഗ്രൂപ്പ്‌ മാനേജിംഗ് ഡയരക്ടർ ഒ .അശോക്‌ കുമാർ, ഫൈസൽ മൂച്ചിക്കൽ എന്നിവർ പ്രസംഗിച്ചു.