Shunya Manushyar

Description

പി. സുരന്ദ്രന്റെ ശൂന്യമനുഷ്യർ യഥാർത്ഥത്തിൽ പൂർണ്ണമനുഷ്യരാണ്. ഈ നോവലിലെ കഥാപാത്രങ്ങൾ ആ അറിവിലേക്കു വളരുന്നവരാണ്. ഇത്തരമൊരു കൃതി മലയാളത്തിലെന്നല്ല ഇംഗ്ലീഷിലും ഞാൻ കാണാനിടയായിട്ടില്ല.
സി. രാധാകൃഷ്ണൻ

പി. സുരന്ദ്രന്റെ ശൂന്യമനുഷ്യർ എന്ന നോവൽ സമീപകാലത്ത് എന്നിൽ ഏറ്റവും കൂടുതൽ ആഘാതമേൽപ്പിച്ച വായനാനുഭവമാണ്. മരണമാണ് ഈ കൃതിയിൽ ജീവിതം. രതിയിൽ തന്നെ മൃതിയും. പ്രണയത്തിൽ മരണവും ഉന്മാദത്തിൽ സത്യദർശനവും കാണിച്ചുതരുന്ന അനേകം അടരുകൾ ഈ നോവലിലുണ്ട്.
ആലങ്കോട് ലീലാകൃഷ്ണൻ

പി. സുരന്ദ്രന്റെ ഹൃദയം കൊണ്ടെഴുതിയ നോവലാണ് ശൂന്യമനുഷ്യർ. മരണത്തിന്റെ മരത്തണലിലേയ്ക്ക് സ്വയം നടന്നുപോകുന്നവരുടെ ഉൾപ്രേരണയെന്താണെന്നന്വേഷിക്കുന്ന മലയാളത്തിലെ അപൂർവ്വ നോവലാണിത്. കവിയുടെ ശിരസ്സുപോലുള്ള അധ്യായങ്ങളിൽ എഴുത്തിന്റെ മാന്ത്രികത ഞാൻ തൊട്ടറിയുന്നു.
പി.കെ. പാറക്കടവ്‌